Parotha

కావలసినవస్తువులు   

మైదా పిండి      :  2 కప్స్
ఆయిల్             :  1/2 కప్
సాల్ట్                 : కొంచెం
వాటర్              : సరిపడ


తయారుచేయువిధానము       :

ముందుగా  బౌల్ లోకి మైద  తీసుకొని, సాల్ట్ వేసి , కొంచెం ఆయిల్ వేసి  కలిపి , కొంచెం కొంచెం వాటర్ వేసి కలుపుకొని  చపాతీపిండి కన్నా కొంచెం లూస్ గ  కలిపి బౌల్ లో పెట్టి కవర్ చేసి 3 గంటలు తరవాత  తీసి దానిని నాలుగు భాగాలుగా చేసి  ఒక భాగాన్ని పల్చగా చేసి ఆయిల్ రాస్తూ పలచగా చేసి దానిని  పైకి పట్టుకొని చుట్టుగా తిప్పి ప్రక్కన పెట్టి దానిని చపాతీ లాగా చేసి
పెనం మీద కొంచెం ఆయిల్ వేసి  పరోటని వేసి ఆయిల్ వేస్తూ కాల్చాలి.చేతులతో గాని , చెక్క కర్రతో గాని    రెండువైపుల ప్రెస్ చెయ్యాలి పొరలుగా విడి పోయి  పరోఠా  పొరలుగా  వస్తుంది

Munagakaya Jeedipappu Curry

కావలసిన వస్తువులు    :

ము న గకాయ ముక్కలు   :  1 కప్ ( కొంచెం నీటిలో  సాల్ట్ వేసి ఉడకబెట్టాలి )
ఉల్లిపాయలు                   :  2 ( చిన్న ముక్కలుగా కట్   చేసుకోవాలి)
టొమాటోస్                        :  3 ( చిన్న ముక్కలుగా కట్ చేసుకోవాలి)
పర్చిమిర్చి                       :  2 (చీలికలు చేసుకోవాలి)
కారం                                 :  2 స్పూన్స్
పసుపు                              :  1 స్పూన్
జీడిపప్పు                         :  1 కప్
అల్లంవెల్లులిపేస్ట్           :  1 1/2 స్పూన్
జీరా పొడి                         : 1 స్పూన్
గరం మ                           :  1 స్పూన్
సాల్ట్                                 : సరిపడ
కరివేపాకు                        :  2 రెబ్బలు
కొత్తిమీర                           : కొంచెం
తాలింపు                          :  ఆవాలు 1 స్పూన్, జీలకర్ర 1 స్పూన్, మినపప్పు 1 స్పూన్

తయారుచేయువిధానము   :

ముందుగా స్టవ్ వెలిగించి   మూకుడు పెట్టి  ఆయిల్ వేసి  తాలింపు వేసి ,పర్చిమిర్చి ,కరివేపాకు వేసి , ఆనియన్స్ వేసి , పసుపు , సాల్ట్ వేసి  వేపాక  టొమాటోస్ , జీడిపప్పు కారం,వేసి తిప్పాలి. దానిలో మూలగకాయ  ముక్కలు  ,కొంచెం ఆ మరిగిన వాటర్ కూడా   వేసి కొంచెం తిప్పి జీరాపొడి, మసాలా కూడా వేసి మూత పెట్టి చిన్నమంట పెట్టి   కాసేపు  ఉంచాలి. 5 నిమిషాల తరవాత  మూత తీసి  కొత్తిమీర కూడా వేసి తిప్పి బౌల్ లోకి  తీసుకోవాలి.

Cabbage Kobbari Roti Pachhadi

కావలసినవస్తువులు    :

కేబేజి                  :  చిన్నది ( చిన్న గ కట్ చేసుకోవాలి)
పర్చిమిర్చి         :  8 లేదా  కారాన్ని బట్టి ఇంకా 2 వెయ్యవొచ్చు
చింతపండు      : కొంచెం
జీలకర్ర              :  2 స్పూన్స్
వెల్లుల్లి               :  7 రెబ్బలు
కొబ్బరి                : చిన్నముక్క
సాల్ట్                   :  సరిపడ
ఆయిల్             :   4 స్పూన్స్

తయారుచేయువిధానము 

స్టవ్ వెలిగించి పాన్ పెట్టి  ఆయిల్ వేసి   కేబేజి  ,పర్చిమిర్చి వేసి తిప్పాలి కొంచెం వేగాక దానిలో కొబ్బరి, జీలకర్ర , వెల్లుల్లి, సాల్ట్,చింతపండు వేసి  తిప్పాలి . చల్లారాక  అన్నింటిని మిక్సీ పట్టాలి. పచ్చడి నెయ్యి వేసుకొని తింటే  చాల   టెస్ట్ గ  ఉంటుంది.

Cholay curry for parathas

కావలసిన వస్తువులు    :

సెనగలు            :  1/4 కేజీ
ఉల్లిపాయలు    :  3(  సన్నగా కట్ చేసి  ఉంచాలి)
టొమాటోస్         :  3 (  గ్రైండ్  చేసిఉంచాలి)
పర్చిమిర్చి         : 2  ( చిన్న గాటు  పెట్టాలి)
అల్లం వెల్లుల్లి   :  2 స్పూన్స్ 
కరివేపాకు         :  2 రెబ్బలు
కొత్తిమీర            :  కొంచెం
కారం                 :  2 స్పూన్స్
సాల్ట్                  : సరిపడ
పసుపు              :  1 స్పూన్
గరంమసాలా    :  2 స్పూన్స్
ఆయిల్             : 4 స్పూన్స్
 తయారు చేయువిధానము   :

ముందుగా సెనగలని  కుక్కర్ లో 2 కప్ లకి 3 కప్ ల వాటర్ వేసి , కొంచెం సాల్ట్, పసుపు వేసి  4 విజిల్స్  వచ్చాక ఆఫ్ చెయ్యాలి.  స్టవ్ మీద  పాన్ పెట్టి  ఆయిల్ వేసి అల్లం వెల్లుల్లి పేస్ట్ వేసి  తిప్పి ఉల్లిపాయలు వెయ్యాలి. సాల్ట్,పసుపు,వేసి తిప్పి పర్చిమిర్చి, కరివేపాకు వేసి, కారం, ,   టమాటో   కూడావేసి, కాసేపు తిప్పాక మూతపెట్టి కాసేపు సన్నటి సెగ మీద ఉంచా క మూతతీసి   ఉడికిన  సెనగలు కొంచెం వాటర్ తో  వేసి, డ్రై మాంగో పాడేరు( ఆంచూర్ పొడి) కొంచెం వేసి, మసాలా కూడా వేసి  మూత  పెట్టి కాసేపు ఉంచి ,మూతతీసి  కొన్ని సెనగలని  ( గుజ్జుగా  కూర ఉండటానికి )పప్పు గుత్తి తో  మెత్తగా  నొక్కాలి, ,కొతిమీరకూడా   వేసి తిప్పి బౌల్ లోకి తీసుకోవాలి.
  

Kova Basin Laddu

కావలసినవస్తువులు      :

సెనగపిండి            :  2 కప్స్
కోవ                          :  1/2 కప్  (స్వీట్ కోవా)
నెయ్యి                     :  1/2 కప్
పంచదార               :  1/2  కప్ ( మిక్సీ చేసి  ఉంచాలి)
జీడిపప్పు                :  కొంచెం ( చిన్నగా కట్ చేసుకోవాలి)
బాదం  పప్పు           :  కొంచెం( చిన్నగా కట్ చేసుకోవాలి)
పిస్తా                         :  కొంచెం ( చిన్నగా కట్ చేసుకోవాలి)
యాలకుల పొడి     "  2 స్పూన్స్

తయారుచేయువిధానము   :

 ముందుగా  పాన్  స్టవ్ మీద పెట్టి  జీడిపప్పు,బాదం పప్పు,  పిస్తా  కొంచెమ్ నెయ్యి వేసి వేయించి ఒక  బౌల్ లో తీసుకోవాలి. అదే పాన్ లో నెయ్యి వేసి  సెనగపిండి కొంచెం వేయించాలి. వేగాక దానిలో  కోవ  వేసి కాసేపు తిప్పి, దానిలో పంచదార పొడి,డ్రై ఫ్రూప్ట్స్, యాలకుల పొడి , అన్ని  వేసితిప్పి స్టవ్ ఆఫ్ చెయ్యాలి. వేడి తగ్గాక  అవసరం ఐతే  కొంచెం నెయ్యి వేసి లడ్డులు చుట్టాలి.
ఇవి చాల టేస్టీ గ ఉంటాయి.

Badhusha

బాదుషాలు 
కావలసిన వస్తువులు   :

మైద                         :  1 కప్          
పంచదార                :  1 కప్
నెయ్యి                      :   1/2 కప్
సాల్ట్                         :  1/4 స్పూన్
పెరుగు                     : 2 స్పూన్స్
వాటర్                       :  1/4 కప్
బేకింగ్ పొడర్           : 1/4 స్పూన్
ఆయిల్                    :  వేయించడానికి సరిపడ

తయారుచేయువిధానము   :
ముందుగా  స్టవ్ మీద గిన్నె పెట్టి దానిలో పంచదార వేసి  1/4 కప్ వాటర్ వేసి లేత పాకం (తీగ పాకం) వచ్చాక స్టవ్  ఆఫ్ చేసి ప్రక్కన పెట్టాలి.
ముందుగా మైదా ని జల్లించుకోవాలి . దానిలో   సాల్ట్, బేకింగ్ పౌడర్  వేయాలి. పిండి ని ఒక  సారి కలిపి ,కరిగిన గోరువెచ్చని నెయ్యిని   కూడా  వేసి  పిండి ని బాగా కలుపుకోవాలి.  తరువాత  కొంచెం కొంచెం వాటర్ వేసుకొని  చపాతీ పిండి లాగా కలిపి మూతపెట్టి  1/2 గంట ఉంచాలి. తరువాత పిండిని  ఒకసారి కలిపి  చిన్న చిన్న ఉండలుగ  చేసుకొని మధ్యలో చిన్నగా నొక్కి ప్రక్కన పెట్టుకోవాలి.   మూకుడులోఆయిల్ వేసి
స్టవ్  మీద పెట్టి  కాగాక  స్టవ్  ఆఫ్ చేసి   ఆయిల్ కి సరిపడ  పైన ఉండాలని  వేసి కాసేపటి తరవాత స్టవ్ వెలిగించి చిన్న మంట  మీద  వేయించాలి వేగాక తీసి పాకం లో వెయ్యాలి. పాకం పట్టినది అనుకోగానే  తీసి ప్లేట్ లో పెట్టాలి.

Babycorn Cashew Curry

బేబీకార్న్  జీడిపప్పు  కర్రీ 

కావలసిన వస్తువులు    :

బేబీకార్న్                   :  200 గ్ర ( కావలసిన షేప్ లో కట్ చేసుకోవాలి)
జీడిపప్పు                   :  3 స్పూన్స్ ( కొంచెం)( వేడినీటిలో కాసేపు ఉంచి  మిక్సీ చెయ్యాలి)
ఉల్లిపాయ                 :  1 ( కట్ చేసి మిక్సీ  పట్టాలి)
టొమాటోస్                :   2 ( స్టవ్ మీద బౌల్ లో వాటర్ వేసి  వేడి ఎక్కాక టొమాటోస్ వేసి 5 నిమిషాలు ఉంచి   స్కిన్ తీసి మిక్సీ చేసి ఉంచాలి)
పర్చిమిర్చి                :   3( చీలికలుగా కట్ చెయ్యాలి)
 అమూల్ బట్టర్        :  2 స్పూన్స్ 
జీరాపొడి                    :  1 స్పూన్               
కరివేపాకు                 :  2 రెబ్బలు
కొత్తిమీర                    :  కొంచెం
అల్లం వెల్లుల్లి పేస్ట్  :  2 స్పూన్స్
ఆయిల్                     :  4 స్పూన్స్
కారం                         :  1 1/2 స్పూన్స్
పసుపు                       :  1/2 స్పూన్
సాల్ట్                          : 2 స్పూన్స్  లేదా సరిపడినంత
గరం మసాలా           :  1 1/2 స్పూన్స్

తయారుచేయువిధానము      :

ముందుగా స్టవ్ మీద  పాన్ పెట్టి  అమూల్ బట్టర్  వేసి  బేబీకార్న్ ని వేయించి  ఒక ప్లేట్ లోకి తీసిఉంచాలి. అదే పాన్లో  ఆయిల్ వేసి కాగాక ఉల్లి పేస్ట్  వేసి  కరివేపాకు  పర్చిమిర్చి,అల్లం వెల్లుల్లి పేస్ట్ , సాల్ట్  , పసుపు వేసి తిప్పి,    టమాటో పేస్ట్  వేసి కాసేపు మూత  పెట్టి, కాసేపటికి మల్లి  మూత  తీసి  కారం  జీరాపొడి, గరంమసాలాకూడావేసి    వేసి  బేబీకార్న్ వేసి తిప్పి ,  వేగాక  జీడిపప్పు పేస్ట్ వేసి తిప్పి కొత్తిమీర కూడా వేసి తిప్పి, బౌల్ లోకి తీసుకోవాలి.

KoramenuFish Pulusu

కావలసిన వస్తువులు     :

కొరమేను  చేప ముక్కలు   :  1/2 కేజీ ( సుబ్బరంగా  పసుపు సాల్ట్ తో కడిగి ఉంచాలి )
అల్లం వెల్లుల్లి పేస్ట్            :  2 స్పూన్స్
కారం                                   :  3 స్పూన్స్
సాల్ట్                                    :  సరిపడ
జీలకర్ర పిడి                      :  1 స్పూన్
గరం మసాలా                    :   1 1/2 స్పూన్
చింతపండు                      :   పెద్ద  నిమ్మకాయ సైజు నానబెట్టి రసం తీసి ఇంచాలి
కొత్తిమీర                             :  2 రెబ్బలు
కొత్తిమీర                             :  కొంచెం కట్ చేసి ఉంచాలి
పసుపు                                :  1 స్పూన్
ఉల్లిపాయలు                     :  2 (  1 సన్నగా కట్ చేసుకోవాలి,1 మిక్సీ పట్టాలి.)
పర్చిమిర్చి                         :  5 ( పొడవుగా కట్ చేసి ఉంచాలి)
టొమాటోస్                          :  2  ( 1 సన్నగా కట్ చేసుకోవాలి   1 మిక్సీ  పట్టాలి)
కొబ్బరిముక్క                      :  1 చిన్నది ( ఇది కూడా మిక్సీ పట్టి ఉంచాలి)
ఆయిల్                               :   5 స్పూన్స్

తయారుచేయువిధానము   :

( ముందుగా  చేప ముక్కలికి( సాల్ట్, కారం, పసుపు కొంచెం అల్లం వెల్లుల్లి పేస్ట్,కొంచెం గరం మసాలా ,కొంచెం జీరాపొడి   కలిపి ఉంచాలి .) చేపముక్కల   గిన్నె ఉంటే  అది స్టవ్  వెలిగించి  స్టవ్ మీద  పెట్టాలి. లేదా  మూకుడు  పెట్టుకోవాలి.  ఆయిల్ వేసి కాగాక ఉల్లిపాయలు,పర్చిమిర్చి  వేసి కరివేపాకు  రెబ్బలు  వేసి, మిగిలిన  సాల్ట్ , పసుపు ,మిగిలిన  అల్లం వెల్లుల్లి పేస్ట్,  కారం,కూడా వేసి బాగా తిప్పాలి.  కాసేపటి తరవాత   మిక్సీ పట్టిన ఉల్లిపాయలు, టమాటో పేస్ట్ వేసి, తిప్పి  మిగిలిన  జీరపొడి, మిగిలిన  గరం మసాలా కూడా వేసి , (కొబ్బరి వెయ్య వొచ్చు లేదా వెయ్యక పోయిన పర్వాలేదు. )   తిప్పాక   చేప ముక్కలిని గిన్నెలో  పేర్చాలి. గిన్నెని కొంచెం తిప్పి కాసేపటి తరవాత చింత పండు పులుసు వెయ్యాలి పులుపు కూడా మధ్యలో చూసుకోవాలి. లేదంటే ఇంకా కొంచెం బాగా పిసికి చింత పండు పులుసు తీసి  వెయ్యాలి. కొంచెం ఉడికాక చిన్న మంట  పెట్టి, కొంచెం కోతి మీర చల్లి  మూతపెట్టాలి.   10 మినిట్స్ లో కూర ఐపోతుంది. మూత  తీసి  చూస్తే ఆయిల్ తేలుతుంది . అది చూసి  మిగిలిన కొత్తిమీర చల్లి స్టవ్  ఆఫ్ చెయ్యాలి . కూర వేడి తగ్గాక  తింటే  పులుసు చాల టేస్ట్ గ ఉంటుంది. 

 

Endu Chepalu Chukka Koora

కావలసిన వస్తువులు    :

ఎండుచేపలు          :   4 లేదా 5 ( 2 నిమిషాలు  వాటర్ లో వేసి కడిగి ఒక బౌల్ లోకి తీసుకోవాలి)
చుక్కకూర               :    4 కట్టలు ( సుబ్బరంగా కడిగి కట్ చేసి ఉంచాలి)
ఉల్లిపాయలు          :    2( కట్ చేసి ఉంచాలి)
టొమాటోస్               :  2 (కట్ చేసి ఉంచాలి )
పర్చిమిర్చి               :   2  (కట్  చేసి ఉంచాలి)
ఆయిల్                    :    3 స్పూన్స్
కా రం                       :    1 స్పూన్
సాల్ట్                         :  సరిపడా
పసుపు                     :  1/2 స్పూన్
  అల్లం                     :  1/4 స్పూన్ తరిగినది
వెల్లుల్లి                     :   4 రెబ్బలు   తరిగినట్లు

తయారుచేయువిధానము     :

ముందుగా స్టవ్ మీద  మూకుడు పెట్టి  ఆయిల్ వేసి  కాగాక ఉల్లిపాయలు  వేసి,

సాల్ట్, పసుపు వేసి  కాసేపు తిప్పాలి.  అల్లం వెల్లుల్లి  వేసుకోవచ్చు లేదా వెయ్యక పోయిన పర్వాలేదు ,అప్పుడు  ఎండు చేప ముక్కలు  వేసి కాసేపు వేగ నివ్వాలి. టొమాటోస్ వేసి,  కారం  వేసి కాసేపు మగ్గనివ్వాలి. కొంచెం  మగ్గింది  అనుకోగానే  చుక్కకూర వేసి  తిప్పి,   చిన్నమంట 

మీద  పెట్టి  ఉంచాలి . మధ్య మధ్యలో  కూర చూసుకుంటూ  జాగర్త గా  తిప్పాలి . కూర దగ్గరికి అయి పోగానే  కొంచెం కొత్తిమీర చల్లి  బౌల్ లోకి తీసుకోవాలి .  ఎండు చేప వాసన  చుక్క కూరకి  ,

చుక్కకూర  ఎండుచేపకి  పట్టి కూర చాల చాల టెస్ట్ గ  ఉంటుంది. మల్లి మల్లి చేసుకొని తినాలి  అని అనిపిస్తుంది. 

Dibba Rotti

కావలసిన వస్తువులు      :

మినపప్పు              :  1 గ్లాస్
బియ్యపు రవ్వ       :  1 1/2 గ్లాస్
ఆయిల్                  : 5 స్పూన్స్


ముందుగా  మినపప్పుని  ఒక బౌల్ లో, బియ్యపు రవ్వని  1 బౌల్ లోకి  వాటర్ పోసి   5  గంటలు  నాన బెట్టాలి.  మినపప్పుని  వాటర్ వేసి మిక్సీ  పట్టి  దానిని ఒక బౌల్ లోకి తీసుకొని  దానిలోకి బియ్యపు రవ్వని గట్టిగ పిండి  సాల్ట్ వేసి ,కలిపి  5 లేదా 6  గంటలు ఉంచాలి . కొంచెం పొంగి నట్టు వస్తుంది.   మూకుడు పెట్టి  ఆయిల్ వేసి పిండి ని ఎంత కావాలో అంత వేసి  మూత పెట్టి సన్నటి సెగ మీద  10 నిమిషాలు  ఉంచాలి.  మూత  తీసి చూసుకోవాలి. ఫై భాగము కూడా అంటుకోకుండా  ఉడికినట్టు అవ్వగానే  తిరగ వేసి మూత  పెట్టి మల్లి కాసేపు ఉంచాలి.   ఈ దిబ్బ రొట్టి   కొబ్బరి  చట్నీ తో  తింటే చాల బాగుంటుంది.

Potlakaya Perugu Pachhadi

కావలసిన వస్తువులు    :

పొట్లకాయ              :  1/4 కేజీ (చాక్   రివర్స్ సైడ్  తో కొంచెం పీల్ చేసి సన్నగా చిన్నగా కట్ చేసుకోవాలి )
పర్చిమిర్చి            :   6
జీలకర్ర                 :  1 స్పూన్
చింత పండు        :  చాల కొంచెం
పెరుగు                  :  1 కప్
వెల్లుల్లి                  :  రెబ్బలు 5
సాల్ట్                      :  సరిపడ
పసుపు                   :  1/4 స్పూన్ 
తాలింపు               :   ఆవాలు  1 స్పూన్, జీలకర్ర  1 స్పూన్, బద్ద మినపప్పు  1 స్పూన్, వెల్లుల్లి రెబ్బలు 3 , కరివేపాకు 1 రెబ్బ,
కొత్తిమీర                :  కొంచెం
ఇంగువ                :  కొంచెం
తయారుచేయువిధానము    :

ముందుగా    కొంచెం ఆయిల్ లో  పర్చిమిర్చి ని వేయించి, జీల కర్ర కూడావేసి  వెల్లుల్లి రెబ్బలు కూడా వేసి చింతపండు వేసి ,  మిక్సీ  పట్టి  ప్రక్కన ఉంచాలి.  స్టవ్ మీద  వేరే బౌల్ లో పొట్లకాయ ముక్కలు ,కొంచెం సాల్ట్ ,పసుపు వేసి మూత  పెట్టి 4 నిమిషాలు  ఉంచి స్టవ్ ఆఫ్ చేసి వాటిని ఒక బౌల్ లోకి తీసుకొని  దానిలో  మిక్సీ చేసిన పర్చిమిర్చి  ని సగం వేసి  , పెరుగు కూడా వేసి  సాల్ట్ చూసి, సరిపోకపోతే  కొంచెం వేసు కోవాలి.  కారం కూడా చాలకపోతే మిగిలిన కారం కూడా వేసి  ప్రక్కన పెట్టి. దానికి తాలింపు కలపాలి . ( చిన్న మూకుడు  స్టవ్ మీద పెట్టి కొంచెం ఆయిల్ వేసి , తాలింపు సామాను,  ఇంగువ కూడా  వేసి , కొత్తిమీర కూడా వెయ్యాలి  )

potlakaya curry

కావలసిన వస్తువులు     :

పొట్లకాయ            :  1/2 కెజి (చాక్ ని బ్యాక్ సైడ్ తిప్పి పైన పీల్ చెయ్యాలి లైట్ పోర పోతుంది
                                సన్నగా చిన్నగా కట్ చేసు కోవాలి)
ఉల్లిపాయలు      :  3 పెద్దవి ( కట్ చేసి ఉంచాలి)
పర్చిమిర్చి          :  5 ( చీలికలు  గ చెయ్యాలి)
వేరుశెనగపప్పు   :  ఒక చిన్న కప్ (మూకుడులో కాసేపు వేపి ఆరాక పొట్టు  తీసి కొంచెం బద్దగా చేతితో  అనాలి)
కొబ్బరి                  :  చిన్న చిప్ప ( కోరి ఉంచాలి)
ఆయిల్                :   3 స్పూన్స్
తాలింపు              : ఆవాలు 1 స్పూన్ ,బద్దమైనపప్పు 1 స్పూన్ జీలకర్ర  1 స్పూన్,
వెల్లుల్లి                 : 5 రెబ్బలు
కరివేపాకు            :  2 రెబ్బలు
కొత్తిమీర               :  కొంచెం
సాల్ట్                     :  సరిపడ
పసుపు                 :  1 స్పూన్

తయారుచేయువిధానము    :

ముందుగా  మూకుడు  స్టవ్ మీద పెట్టి  ఆయిల్ వేసి , వెల్లుల్లి వేసి , తాలింపు వెయ్యాలి.  కరివేపాకు  వేసి, ఉల్లిపాయలు వేసి  , సాల్ట్ , పసుపు వేసి , కాసేపు తిప్పి పొట్లకాయ ముక్కలు వెయ్యాలి. ముక్కలని కొంచెం తిప్పాక  ,మూత పెట్టి సన్నటి సెగ మీద ఉంచాలి. కొంచెం వేగింది  అని అనుకోగానే  వేరుశెనగపప్పు, కొబ్బరివేసి తిప్పి సాల్ట్ కారం చూసుకొని, కొత్తిమీర చల్లి  , బౌల్ లోకి తీసుకోవాలి. పొట్లకాయ ఎక్కువ సేపు వేగ కూడదు.

pesarapappu bombai ravva sweet

పెసరపప్పు  బొంబాయి  రవ్వ స్వీట్ 

కావలసినవస్తువులు    :

పెసరపప్పు          :  100 గ్ర
బొంబాయి రవ్వ   :  100 గ్ర
పాలు                    :  3  కప్స్
నెయ్యి                  :  3 స్పూన్స్
పంచదార            :  200 గ్ర
ఆయిల్                :  వేయించడానికి
యాలకుల పొడి :    2 స్పూన్స్

తయారుచేయువిధానము   :

ముందుగా పెసరపప్పుని  మూకుడులో  ఒట్టినే ఏమి వెయ్యకుండా    కొంచెం వేయించాలి  .
 పెసరప్పుని 1  కి 2  గ్లాస్  పాలు  వేసి   కుక్కర్ లో పెట్టి  2 విజిల్స్ వచ్చాక కట్టి,ఆరాక తీసి  మెత్తగా  మెదిపి ఉంచాలి. లేదా గ్రైండ్  చేసుకోవొచ్చు . వేరొక మూకుడులో ( 1 గ్లాస్ బొంబాయి రవ్వకి  2 గ్లాస్ ల పాలు  కొలత )ముందు  పాలు వేసి  దానిలో  బొంబాయి రవ్వ  వేసి పొయ్యి మీద పెట్టి తిప్పుతూ ఉండాలి.ఉడికి దగ్గరికి   అవుతుంది అనగానే 2 స్పూన్స్ నెయ్యి వేసి , ఒకసారి కలిపి  పెసరప్పు ముద్దని కూడా వేసి  మిగిలిన నెయ్యి వేసి చిన్న మంట  మీద దగ్గరికి అవ్వగానే స్టవ్ ఆఫ్ చెయ్యాలి. ఈలోపు వేరే బౌల్ లో పంచదార లో  కొంచెం వాటర్ వేసి  స్టవ్ మీద పెట్టి తీగ పాకం రాగానే స్టవ్ ఆఫ్ చేసి  దానిలో యాలకుల పొడి వేసి  ప్రక్కన ఉంచాలి . మూకుడులో ఆయిల్ వేసి స్టవ్ మీద పెట్టి ఉంచాలి. ఈలోపు పెసరపప్పు ముద్దని   చిన్న చిన్న ఉండలుగా చేసి  బాదుషా లాగా  చేసి మధ్య లో వేలితో గుంట లాగా చేసి చుట్టూ టూత్ పిక్ తో గాటు పెట్టి నట్టు పెట్టి.  అన్ని అట్లాగే చేసుకొని  ఆయిల్ లో సరిపడా  5 లేదా 6 చొప్పున వేయించి ,వేగాక
పాకం లో వేసి కాసేపు ఉంచి తియ్యాలి.  ఇది చాల టెస్ట్ గ  ఉంటుంది.

Vepina Senaga Pappu pachhadi ( for tiffins)

కావలసినవస్తువులు    :

వేపిన సెనగ పప్పు       :   1 కప్
కొబ్బరి                           :  4 చిన్న ముక్కలు
పర్చిమిర్చి                    :  6
కరివేపాకు                     : 2 రెబ్బలు
తాలింపు                       :  ఆవాలు 1 స్పూన్. బద్ద మినపప్పు 1 స్పూన్, జీలకర్ర 1 స్పూన్
అల్లం                            :  చాల చిన్న ముక్క

తయారుచేయువిధానము    :

ముందుగా వేపిన సెనగపప్పు , కొబ్బరి, పర్చిమిర్చి, అల్లం, అన్నింటిని కొంచెం వాటర్ వేసి మిక్సీ పట్టాలి.  స్టవ్ మీద చిన్న మూకుడు పెట్టి ఆయిల్ 2 స్పూన్స్ వేసి , తాలింపు వేసి పైన
పచ్చడి లో వెయ్యాలి.

Veru Senaga Pappu Chutney ( for idli)

కావలసిన వస్తువులు   :

వేరుశెనగపప్పు       :   1 కప్
కొబ్బరి ముక్కలు    :    చిన్నవి 5 ముక్కలు
పర్చిమిర్చి              :  7
సాల్ట్                        : సరిపడ
తాలింపు                 :  ఆవాలు 1 స్పూన్, జీలకర్ర 1 స్పూన్, బద్ద మినపప్పు 1 స్పూన్ ,కరివేపాకు  2 రెబ్బలు

తయారుచేయువిధానము    :

ముందుగా స్టవ్ మీద గిన్నె పెట్టి  కొంచెం ఆయిల్ వేసి  వేరుశెనగ పప్పు, పర్చిమిర్చి, కొబ్బరి ముక్కలు, సాల్ట్ వేసి కొంచెం వాటర్ వేసి  మిక్సీ పట్టాలి. స్టవ్ మీద చిన్న మూకుడు పెట్టి కొంచెం ఆయిల్ వేసి  తాలింపు వెయ్యాలి, దానిని పచ్చడి లో వెయ్యాలి.

chicken curry

కావలసిన వస్తువులు   :

చికెన్               :   1/2 కేజీ
ఆనియన్స్      :   2( కట్ చేసి ఉంచాలి
టొమాటోస్      :    2 (కట్ చేసి ఉంచాలి)
అల్లంవెల్లుల్లి  :  అల్లం వెల్లుల్లి పేస్ట్  3 స్పూన్స్
కారం               :  3 స్పూన్స్
ధనియ పొడి   :  2 స్పూన్స్
సాల్ట్                :  2స్పూన్స్
పసుపు             :  1 స్పూన్
గరం మసాలా  :   2 స్పూన్స్
కొత్తిమీర           :  కొంచెం
ఆయిల్            :  4 స్పూన్స్ 

తయారుచేయువిధానము    :

 ముందుగా  కుక్కర్ స్టవ్ మీద పెట్టి  ఆయిల్ వేసి , ఆనియన్స్ వేసి, సాల్ట్, పసుపు వెయ్యాలి. తరువాత  అల్లం వెల్లుల్లి పేస్ట్ వేసి , టొమాటోస్ కూడా వేసి, చికెన్ కూడా వేసి, కారంవేసి, ధనియ పొడి కూడా వేసి  మూత  పెట్టి  2 విజిల్స్  వచ్చాక స్టవ్ ఆఫ్ చేసి  ఆరాక మూత  తీసి కూర దగ్గరికి అయ్యాక గరం మసాలా వేసి  , ఇంకా దగ్గరికి అయ్యాక, కొత్తిమీర చల్లి, స్టవ్ ఆఫ్ చేసి కూర బౌల్ లోకి తీసుకోవాలి.  

thotakoora pappu

కావలసిన వస్తువులు    :

తోటకూర     :   4 కట్టలు (సుబ్బరంగా కడిగి కట్ చేసుకోవాలి
ఆనియన్స్   :  1 (కట్ చేసి ఉంచాలి)
పర్చిమిర్చి   :  2( కట్ చెయ్యాలి )
టొమాటోస్    :  3 ( కట్ చేసి ఉంచాలి
కారం             : 2 స్పూన్స్
పసుపు          :  1 స్పూన్
కందిపప్పు    :  1 చిన్న కప్  ( కడిగి  1 1/2 కప్ వాటర్ వేసి ఉంచాలి)
తాలింపుకు   :  ఆవాలు 1 స్పూన్ జీలకర్ర 1 స్పూన్, మి నపప్పు 1 స్పూన్ ,
కరివేపాకు     :  2 రెబ్బలు
వెల్లుల్లి          :  4 రెబ్బలు
ఆయిల్         :  2 స్పూన్స్
ఇంగువ         :  కొంచెం
  
తయారుచేయువిధానము    :

 ముందుగా కుక్కర్లో  తోటకూర,ఆనియన్స్,పర్చిమిర్చి, టొమాటోస్, కారం, పసుపు, సాల్ట్,  కందిపప్పు వాటర్ తో సహా (అంటే  1 కందిపప్పుకి  1 1/2 కప్ వాటర్ అన్నమాట )  వేసి   4 లేదా 5  విజిల్స్  వచ్చాక కట్టెయ్యాలి.  చల్లారాక  మూట తీసి స్టవ్ ఆన్ చేసి గరిటతో బాగా తిప్పి దగ్గరికి అయ్యాక వేరే స్టవ్  మీద  చిన్న మూకుడు పెట్టి ఆయిల్ వేసి   వెల్లుల్లి వేసి తాలింపు సామాను వేసి, ఇంగువ కొంచెం వేసి.  కరివేపాకు వేసి.    కూర లో వెయ్యాలి. 

Egg dosa

కావలసిన వస్తువులు    :

 దోస పిండి           :  కొంచెం ( వాటర్ వేసి కొంచెం పలచగా కలుపుకోవాలి)
సాల్ట్                      :  సరిపడ
ఎగ్                         :  1 ( పగలగొట్టి  కొంచెం బీట్ చేసుకోవాలి)
కారం                     :  కొంచెం
పెప్పర్                  :  కొంచెం
  తయారుచేయువిధానము   :

ముందుగా  స్టవ్ వెలిగించి  పెనం పెట్టి  ముందుగా గరిటతో  పిండిని వెయ్యాలి . దాని మీద  ఎగ్ ని పరిచినట్టుగా వెయ్యాలి.  దానిమీద కారం, పెప్పర్ కూడా వేసి ,కొంచెం సాల్ట్ కూడా వేసి , కొంచెం ఆయిల్ వేసి  కాలాక  రెండవ వైపు తిప్పి తియ్యాలి. పిల్లలకి  ఇట్లా చేసి పెడితే ఎగ్ ని కూడా ఈజీ గ  తినపించవొచ్చు

Goduma Ravva Upma

కావలసిన వస్తువులు    :

గోధుమ రవ్వ                : 1 గ్లాస్
వాటర్                           :  2 1/4 గ్లాస్
ఆనియన్స్                    :  1 చిన్నముక్కలుగా  కట్ చేసుకోవాలి
వేరుశెనగ పప్పు            :   1 కప్
టొమాటోస్                    : 2 చిన్నవి ( కట్ చేసి ఉంచాలి)
పర్చిమిర్చి                   :  7( సన్నగా పీలికలు చేసుకోవాలి  )
అల్లం                           :  1 చిన్న ముక్క ( కోరుకోవాలి)
కేరట్                            :   1 చిన్నది ( కోరుకోవాలి)
పసుపు                          :  1 స్పూన్
సాల్ట్                             :  2 స్పూన్స్  (చూసి వేసుకోవాలి)
ఆయిల్                        :  4 స్పూన్స్
తాలింపు                      : ఆవాలు  1 స్పూన్, సెనగపప్పు   1 స్పూన్,   మినపప్పు  1 స్ప్పోన్
కరివేపాకు                    :   2 రెబ్బలు
కొత్తిమీర                       :  కొంచెం

తయారుచేయువిధానము    :

ముందుగా  వాటర్  ఒక బౌల్ లో వేసి స్టవ్ మీద పెట్టాలి.  వేరే స్టవ్ మీద  మూకుడు పెట్టి  ఆయిల్ వేసి , కాగాక  తాలింపు వెయ్యాలి,  కరివేపాకు ,  తరవాత ఆనియన్స్ , పర్చిమిర్చి అల్లం, వేరుసెనగపప్పు, సాల్ట్, పసుపు, కేరట్   అన్నిఒక దానితరవాత ఒకటి వెయ్యాలి. టొమాటోస్ కూడా వెయ్యాలి. మూతపెట్టి చిన్న మంట  మీద కాసేపు ఉంచి , మూత   తీసి  మరిగిన నీరు వేసి,
సాల్ట్ చూసి చాలకపోతే  కొంచెం వేసుకోవాలి . దానిలోకి రవ్వ  1 గ్లాస్ వెయ్యాలి. గరిటతో తిప్పి మూత  పెట్టి  7 నిమిషాల చిన్న మంట  మీద ఉంచాలి.  తరువాత  మూత  తీసి మల్లి ఒక సారి కలిపి  మల్లి మూత  పెట్టి సన్నటి సెగ మీద ఉంచాలి.   4 నిమిషాల తరువాత  తిప్పి చూసుకోవాలి  నీరు అంత  పోయి దగ్గరికి  అవుతుంది.  అప్పుడు కొత్తిమీర చల్లి  తియ్యాలి.
వేడి వేడిగా తింటే  చాలా టేస్టీగా  ఉంటుంది. నిమ్మకాయ పిండు కుంటే కూడా బాగుంటుంది.

,

Dappalam,Kalagoora pulusu

కావలసిన వస్తువులు   :

 పనసముక్కలు              : 1 కప్
ఆనపకాయ ముక్కలు     : 1 కప్
ఆనియన్స్                       :  1 కప్
మునగకాయలు               :  కొద్దిగా
వంకాయలు                     :  3 ( కట్ చేసి వాటర్లో వెయ్యాలి)
దోసకాయ ముక్కలు        :  1 కప్
టొమాటోస్                       :  2 ( కట్ చేసి ఉంచాలి)
పర్చిమిర్చి                       :  2 చీలికలు
చింతపండు                    : 1 పెద్దనిమ్మకాయసైజు  నానబెట్టి ఉంచాలి)
కారం                                :  1 1/2 స్పూన్ ( చూసి ఇంకా వేసుకోవచ్చు)
పసుపు                             :  1 స్పూన్
సాల్ట్                                 :  సరిపడ
తాలింపు                          : ఆవాలు 1 స్పూన్, జీలకర్ర  1 స్పూన్, మినపప్పు 1 స్పూన్, ఎండుమిరపకాయ 1)
కొత్తిమీర                           : కొంచెం
కరివేపాకు                        : 2 రెబ్బలు
ఇంగువ                            :  1 స్పూన్
బెల్లం                               :  కొంచెం
వెల్లుల్లి                             : 5 రెబ్బలు ( నొక్కినట్టుగా చెయ్యాలి)
ఆయిల్                             : 2 స్పూన్స్
తయారుచేయువిధానము   :

ముందుగా ఒక బౌల్ తీసుకొని  దానిలో 2 గ్లాస్  ల వాటర్  వేసి, దానిలో అన్ని ముక్కలు ( పనస,ఆనాప,ఆనియన్స్,మునగ,వంకాయ,దోసకాయ,టమాటో,  పర్చిమిర్చి, కారం,పసు పు,సాల్ట్,) వేసి ,చింతపండు  పిసికి ఆ పులుపు కూడా వేసి  పొయ్యి మీద పెట్టాలి.  బాగా మరగ నివ్వాలి.  అన్ని సరిపోతే కమ్మటి వాసన వస్తూ ఉంటుంది. రాక పొతే సాల్ట్ కానీ పులుపు కానీ సరిపోలేదేమోనని  ఒక సారి  చూసి, చాలనివి వేసి , కొంచెం బెల్లం కూడా వెయ్యాలి. ( తీపి వద్దు అనుకునే వాళ్ళు  బెల్లం వెయ్యకూడదు. అదికూడా చూసుకొని వెయ్యండి. అప్పుడు తాలింపుకు 

చిన్న మూకుడు  పెట్టుకొని  కొంచెం నెయ్యి కానీ నూనె కానీ వేసి కాగాక ముందు వెల్లుల్లి రెబ్బలు 5 వేసి  తాలింపువేసి  ఇంగువ వేసి  పైన పులుసులో వెయ్యాలి. నెయ్యి వెయ్యడం మూలాన చాల కమ్మగా, టెస్టుగా  కూడా ఉంటుంది. 

Panasa Biriyani

పనస బిరియాని 
కావలసిన వస్తువులు    :

బాసుమతి రైస్            :  1/2 కేజీ ( బిరియాని చేసే ముందు 1/2 గంట నానబెట్టాలి)
పనసముక్కలు           :  1/2 కేజీ ( వేడినీటిలో కొంచెం పసుపు, సాల్ట్ వేసి ఉడికాక వడకట్టి ఉంచాలి)
ఆనియన్స్                  :   2(కొంచెం పెద్ద ముక్కలు కట్ చేసుకోవాలి)_
పర్చిమిర్చి                  :   4 ( చీలికలిగా కట్ చేసుకోవాలి  )
టొమాటోస్                  :   2 పెద్దవి ( పొడవుగా కట్ చేసుకోవాలి)
పసుపు                        :   1 స్పూన్
సాల్ట్                            :    2 స్పూన్స్ ( సరిపడినంత)
గరంమసాల               :    2 స్పూన్స్
జీరాపొడి                     :   2 స్పూన్స్
అల్లం వెల్లులి పేస్ట్   :   3 స్పూన్స్ 
పొదీనా                       : కొంచెం
కొత్తిమీర                     :  కొంచెం
బిరియాని ఆకు          :  3
పెరుగు                       : 4 స్పూన్స్
నెయ్యి                        :   4 లేదా 5 స్పూన్స్
హోల్ మసాలా         :  యాలకులు 4, లవంగాలు 4, దాచిన చెక్క చిన్నది,అనాసపువ్వు  2
సోంపు   2 స్పూన్స్ , మరాఠి మొగ్గ   2,

  తయారుచేయు విధానము    :

ముందుగా  స్టవ్  వెలిగించి బిరియానికి  గిన్నె పెట్టాలి.  దానిలో నెయ్యి వేసి కాగాక హోల్ మసాలా  వెయ్యాలి.  ఆనియన్స్ వేసి, సాల్ట్ , పసుపు, అల్లం వెల్లుల్లి పేస్ట్ వేసి, బిరియాని ఆకు, వేసి తిప్పి, పర్చిమిర్చి వెయ్యాలి. ఈలోపు వేరే స్టవ్  మీద  గిన్నెలో వాటర్ పోసి   కాగాక బాసుమతి  రైస్ వెయ్యాలి .  అది ఉడుకుతూ ఉంటుంది. పైన బిరియాని గిన్నెలో  టొమాటోస్ వేసి . పెరుగు కూడా వేసి, ఉడికిన పనసముక్కలుకూడావేసి, కారం, కొంచెం పసుపు ,  జీరాపొడి,మసాలాపొడి, పొదీనా, కొత్తిమీర కూడా వేసి, తిప్పుతూ ఉఁడాలి. ఈ లోపు రైస్ 75%
ఉడికించి అని అనుకోగానే  కన్నాల గరిటతో రైస్ వడకట్టినట్టుగా కొంచెంకొంచెం కూర మీద పరవాలి.  అట్లా మొత్తం రైస్ ని వడ కట్టు కుంటూ పరిచి మధ మధ్యలో పొదీనా చల్లవోచ్చు. ఫ్రైడ్ ఆనియన్స్ ఉన్నా  అవి కూడా వెయ్యవోచ్చు. పైన అముల్  బట్టర్ ని చిన్న చిన్న ముక్కలు చేసి కొన్నిటిని అక్కడక్కడా వేసి  పైన మూతపెట్టి  ఒక నాప్కిన్  ని కింద మంట  తగలకుండా  పైన కప్పాలి.  చిన్న మంట పెట్టి  , 8 నిమిషాలతరువాత  స్టవ్ ఆఫ్ చేసి .జాగర్తగా అడుగునుండి  కూరని పైకి తీస్తూ  బిరియాని ని వడ్డించాలి. 



   

Chekkalu

చెక్కలు 
కా వ లసిన వస్తువులు    :

బియ్యపు పిండి         :    2 కప్స్
అముల్ బట్టర్          :  2 స్పూన్స్
జీలకర్ర                     :  2 స్పూన్స్
అల్లం                        :  2 అంగుళాల ముక్క
పర్చిమిర్చి                :  8  ( కారం  కొంచెం ఎక్కువ కావాలి అంటే  ఇంకొక 3 వేసుకోవచ్చు)
సాల్ట్                          :  సరిపడ
పెసరపప్పు               :  1 కప్ ( కొంచెం నీటిలో వేసి 2 నిమషాలు ఉంచాలి)
తయారుచేయువిధానము   :

ముందుగా ఒక బౌల్ లోకి బియ్యపు పిండి ని తీసుకొని  దానిలో సాల్ట్ వేసి , బటర్  కూడా వేసి  ,

 బా గ  పిండి కలపాలి.  తరవాత జీలకర్ర , అల్లం,వెల్లుల్లి పేస్ట్ ( ముందుగా అల్లం వెల్లుల్లి  ని  పేస్ట్ చెసి  ఉంచాలి )  ని వేసి  పెసరపప్పు కూడా వేసి కొంచెం కొంచెం వాటర్ వేసి కలిపి 2 లేదా 3 ఉండలుగా చేసి మూతపెట్టి ఉంచాలి.  ఇప్పుడు  సాల్ట్,కారం కూడా చూసి మీకు ఇంకా కారం కావాలి  అని అనుకుంటే  ఇంకొన్ని పర్చిమిరపకాయలు మిక్సీపట్టి  వెయ్యవొచ్చు. పిండి కారం గ ఉంటేనే  వేగినప్పుడు కారం సరిపోతుంది.     చేసినప్పుడు ఒకొక్క ముద్ద  తీసి చేసుకోవాలి .  ముందుగా ఒక పాత  కాటన్  బట్టని  లేదా టవల్ ని  తడిపి నీరు లేకుండా గట్టిగా  పిండి గట్టు మీద వేసుకొని సగం బట్ట మీద  ఉండలు చేసి  పెట్టి మిగిలిన సగం బట్ట ని కప్పి ఒక గ్లాస్ తో గాని  గిన్నెగాని పెట్టి ఒకొక్క దానిని నొక్కితే  తొందరగా  చెక్కలు చెయ్యవోచ్చు. పైన బట్టని తీసి చెక్కలు ఒకే షేప్ లో వస్తాయి కదా. చేతితో  కొంచెం ప్రెస్సుచేసి  వాటిని కాగిన ఆయిల్ లో జాగర్తగా చిన్న   మంట    పెట్టు కొని  వేయించాలి. 

Noodles Street food

నూడుల్స్ స్ట్రీట్ ఫుడ్ 
కావలసిన వస్తువులు     :

నూడుల్స్                :   పాకెట్లో సగం ( మార్కెట్ లో ప్యాకెట్ దొరుకుతుంది)
ఆనియన్స్               :  1 ( పొడవుగా సన్నగా కట్ చేసుకోవాలి)
కేరట్                        : ! ( సన్నగా పొడవుగా కట్ చేసుకోవాలి)
కేబేజి                        :  కొంచెం  ( సన్నగా పొడవుగా కట్ చేసుకోవాలి)
పర్చిమిర్చి               : 3  ( సన్నగా చీలికలు చేసుకోవాలి)
కారం                        :  1 స్పూన్
గరం మసాలా          :  1 స్పూన్
జీలకర్ర పొడి           : 1  స్పూన్
సాల్ట్                         : 1 స్పూన్ ( సరిపడా)
సోయాసాస్              :  1 1/2 స్పూన్
వెనిగర్                     :  1 1/2 స్పూన్
కొత్తిమీర                   :  1 కట్ట ( కడిగి చిన్నగా కట్ చేసుకోవాలి)
ఆయిల్                   :    4 స్పూన్స్
మేగీ మసాలా           :  మనకి ఇంకా మసాలా కావాలి అంటే  అదికూడా వేసుకోవచ్చు ( మార్కెట్ లో ప్యాకెట్ దొరుకుతుంది)

తయారుచేయువిధానము  :

 ముందుగా నూడుల్స్ ని వేడి నీటిలో  ఉడికించి జల్లెడలో వార్చుకోవాలి. నూడుల్స్ ఉడికేటప్పుడు కొంచెం ఆయిల్,  సాల్ట్ కూడా వేసుకోవాలి.  స్టవ్ మీద మూకుడు  పెట్టి
ఆయిల్ వేసి కాగాక  ఆనియన్స్, పర్చిమిర్చి వేసి తిప్పి , సాల్ట్ వేసి , కేరెట్ ,కేబేజి,
వేసి తిప్పి సోయాసాస్ , వెనిగర్, కూడా వేసి , తిప్పి నూడుల్స్ కూడా వేసి ,కారం , జీరా పొడి, మసాలాపొడి, కొంచెం కొత్తిమీర వేసి తిప్పాలి.  ఫోర్క్ లాంటి దానితో తిప్పితే  బాగుంటుంది . మనకి ఇంకా ఘాటుగా కావాలి అంటే  మ్యాగీ  మసాలా కూడా వేసుకున్న బాగుంటుంది.   లేదు అంటే వెయ్యక పోయిన  లైట్ గ ఉండి బాగుంటుంది.  హీత్య్ గ ఉంటుంది . మార్కెట్ లోవి
మనకి తెలియని వేస్తారు.  అది అంత మంచిది కాదు కాబట్టి  స్ట్రీట్ నూడుల్స్  తినాలంటే
ఈవిధంగా చేసు కుంటే  ఆరోగ్యానికి ఆరోగ్యం.

Dosakaya Pachhadi

కావలసిన వస్తువులు     :

దోసకాయ               :  1 చిన్నది ( పీల్ చేసి గింజలు తీసి సన్నగా చిన్నటి  ముక్కలుగా కట్ చేసుకోవాలి )
కొబ్బరి                    :  చిన్నవి 4 లేదా 5 ముక్కలు
చింతపండు          :  చాల కొంచెం
పర్చిమిర్చి             :   6
జీలకర్ర                  :  1 స్పూన్
పెరుగు                   :  2 స్పూన్స్
వంకాయలు           : 2 ( కట్ చేసుకోవాలి)
వెల్లుల్లి                   :  6 రెబ్బలు
తాలింపు                :  1 స్పూన్ మినపప్పు,  1 స్పూన్ సెనగపప్పు, 1 స్పూన్ ఆవాలు,  కరివేపాకు 1  రెబ్బ, ఎండుమిరపకాయ  1
పసుపు                   : 1/2 స్పూన్
ఆయిల్                  :  సరిపడ

తయారుచేయువిధానము     :

ముందుగా   స్టవ్ వెలిగించి మూకుడు పెట్టి  పర్చిమిర్చి,  వంకాయలు,  కొబ్బరి ఆయిల్ వేసి    వేగనివ్వాలి , వేగింది  అని అనుకోగానే   దానిలో వెల్లుల్లి, చింతపండు, జీలకర్ర    వేసి వేగాక స్టవ్ ఆఫ్ చేసి  , సాల్ట్ కూడా వేసి  ఆరాక మిక్సీ పట్టాలి.  అది గిన్నెలోకి తీసుకొని  దానిలో దోసకాయ ముక్కలు, పెరుగు  కలపాలి. కొత్తిమీర ఉంటే అదికూడా కలపొచ్చు .  తాలింపుకు చిన్న మూకుడు  పెట్టి కొంచెం ఆయిల్ వేసి  ,కాగాక  తాలింపు వేసి, కొంచెం పసుపు కూడా   వేసి  పైన చ్చడిలో  కలపాలి. 

Madatakaja

కావలసిన వస్తువులు          :

మైదా                     : 1/2 కేజీ ( జల్లించి ఉంచాలి)
నెయ్యి                   :  5 స్పూన్స్
బేకింగ్ సోడ         :  1 1/2 స్పూన్
వాటర్                   : సరిపడ
పంచదార             :  750 గ్ర   
ఆయిల్                 :  1/4 కేజీ    లేదా 1/2 కేజీ          

తయారుచేయువిధానము 

ముందుగా ఒక బౌల్ లో మైదా ,బేకింగ్ సోడా  వేసి కలిపి ,దానిలో నెయ్యి వేసి పిండిని బాగా కలపాలి.   అప్పుడు కొంచెం కొంచెం వాటర్  వేస్తూ  చపాతీ పిండి  లాగా కలుపుకోవాలి. మూత పెట్టి  1/2 గంట [ప్రక్కన ఉంచాలి . ఈలోపు స్టవ్ వెలిగించి మూకుడు పెట్టి  పంచదారవేసి కొంచెం వాటర్ వేసి తిప్పాలి. ఎక్కువ వాటర్ వేస్తే పాకం లేట్ అవుతుంది. తిప్పినప్పుడు కొంచెం లెమన్ జ్యూస్ వేస్తే  పంచదార  పాకం ఎన్ని రోజులు ఉన్న  దగ్గరికి  అవ్వదు మైదా ముద్దని  గట్టు మీద  వేసి బాగా   చేతితో కాసేపు మర్దన చెయ్యాలి. అప్పుడు పిండి మొత్తా న్ని  చపాతిలాగా చాల పలచగా చేసుకోవలి .  క్రాస్  వస్తే  క్రా సులని  చాక్ తో తీసి చివరలు పెట్టి మల్లి  చపాతిలాగా చేసి స్క్వేర్  లాగా చాక్ తో కట్ చేసి  దాని మీద నెయ్యి రాసి  చేతితో మొత్తం స్క్వేర్   మీద రాసి మైదా మాత్రం చల్లాలి .మైదా ని చేతితో రాయకూడదు.  అప్పుడు మొదట నుండి చపాతీని మెల్లిగా రౌండ్ గ చుట్టూ కుంటూ రావాలి . లూజు గా రాకూడదు . చివరికి వచ్చాక చివరన కొంచెం వాటర్ తో తడిపి  చుట్టెయ్యాలి. ఆచివర   ఈచివర  కరెక్ట్ గ రాకపోతే  చాక్ తో కట్ చెయ్యాలి. వన్ ఇంచ్  దూరంగా చాక్ తో కట్ చెయ్యాలి. ఒక్కొక్క  దానిని  ముందు చూపుడు వేలితో  కొంచెం ప్రెస్ చేసి అప్పడాల కర్రతో లైట్ గ ప్రెస్ చెయ్యాలి .స్టవ్ వెలిగించి మూకుడు పెట్టి  ఆయిల్ వేసి   ఆయిల్ కాగాక స్టవ్ ఆఫ్ చేసి మూకుడిని క్రిందకి దించి ప్రెస్ చేసిన వాటిని వేసి  అవి పైకి వస్తాయి .వచ్చాక స్టవ్ వెలిగించి  అదే మూకుడు  పెట్టి వేగనివ్వాలి . వేగాక వాటిని పాకం లో వేసి 5 నిమిషాలు ఉంచాక  ప్లేట్ లోకి  తీసుకోవాలి. అట్లా అన్నిటిని  చెయ్యాలి  వేడి వేడిగా  ఆరోజె  తింటే  ఇంకా చెప్పక్కరలేదు.